About & Antolatu zure bisita

Arrietan Biennial arte garaikideko nazioarteko plataforma bat da, 2026ko ekainean Arrietan (Bizkaia) sortua.

Artea eskuragarriagoa egiteko, kultura deszentralizatzeko eta landa-ingurunearekiko loturak sendotzeko bokazioz jaio da. Bere erritmo propioan, intentsitate handiko uneak entzute-, oihartzun-eta hausnarketa-aldiekin uztartzen ditu. Bienaleko urteak artisten, lurraldearen eta komunitatearen arteko harreman berriak sustatzen dituzten artelan, topaketa eta esperientzien ospakizun bihurtzen dira. Tarteko urteak, aldiz, patxadazko denbora gisa ulertzen dira: bizitakoaren arrastoak jaso, prozesuak hausnartu eta argitalpen, solasaldi zein bestelako topaketa-formatuen bidez ikerketa eta elkarrizketa sustatzeko uneak dira.

Uhin baten modura, bienala elkarren segidako bulkaden bidez hedatzen da; horrela, edizio bakoitzaren mugak gainditu eta denborarekin memoria partekatu bat eraikitzen du, Arrietarekiko eta haren ingurunearekiko loturak gero eta gehiago sakonduz.